زياده الناتج المحلى بنسبه 30%
واضح إن كلام كامل الوزير عن تصنيع الدولار في مصر، ماكنش مجرد تصريحات صحفية، لأ ده طلعت حقيقة بتحصل فعليا داخل وزارة الصناعة وداخل المصانع المصرية، واللي بيتعمل فعليا بيحصل لأول مرة في تاريخ مصر.
عشان كده، الفريق كامل الوزير، نائب رئيس الوزراء، وزير الصناعة والنقل، وجه الشكر للرئيس عبدالفتاح السيسي على ثقته في شخصه لقيادة ملف الصناعة، وقال كمان: أشكر دولة رئيس الوزراء الدكتور مصطفى مدبولي على معاونته الصادقة وإصدار قرار تشكيل مجموعة التنمية الصناعية، كما أشكر زملائي وزراء الصناعة السابقين على ما بذلوه وقدموه.
وأكد الوزير، إن قطاع الصناعة من الملفات التي بتوليها الدولة المصرية اهتماما كبيرا، ومن يوم ما حلف اليمين للحكومة الحالية، وجه الرئيس السيسي بتحويل مصر إلى مركز إقليمي للصناعة، وبالفعل تم تحويلها لمركز إقليمي للنقل، وهو توجيه لكل الحكومة مش لوزير فقط.
وبالفعل، تم عمل استراتيجية حقيقية وواقعية سهل تنفيذها، وبالفعل الاستراتيجية دي بتستهدف إن قطاع الصناعة يساهم في ٣٠% من إجمالي الناتج القومي المحلي.
يعني هيتم تشغيل الأيدي العاملة وفتح المصانع المغلقة، وبلغة الأرقام احنا عندنا حوالي ٣.٥ مليون عامل في القطاع ده، ومستهدف وصولهم لـ ٧ مليون عامل فى قطاع الصناعة، وكل ده هيساهم بشكل كبير في تشغيل المصانع وإنعاش الصناعة المصرية من جديد، وبالتالي هنوفر للسوق المحلي ونصدر بره، وكل ده معناه إننا بنصنع الدولار داخل مصر، يعني هنبطل نستورد بمليارات الدولارات وهنوفرها لخزينة الدولة.
كمان، وزارة الصناعة شغالة دلوقتي على إعادة تشغيل المصانع المتعثرة، سواء كانت قديمة أو حديثة، فهتوفق أوضاعها لحد ما تقف على رجليها من تاني، وكمان بيتم حل مشكلات المصانع المتوقعة عن الإنتاج والمصانع اللي محتاجة توسعة أنشطتها، وتقنين أوضاع المصانع المرخصة.
ونقدر نقول، إن استراتيجية انعاش الصناعة المصرية مش هتتنفذ في يوم وليلة، لأ ده وفقا للخطط الموضوعة فهتتحقق خلال ٣ أو ٤ سنين، ووقتها نقدر نقول إن تم تحويل مصر لمركز إقليمي للصناعة.
ومن هنا هنقدر ننتج ونصنع ونصدر، ونقلل من الاستيراد، لأننا هنصنع بأسعار تنافسية، داخل السوق المصري أو فى الأسواق العالمية.
ومش بس كده، لأ ده كمان هيتم الوصول بجودة المنتج النصري لأعلى جودة ممكنة، مع التدريب والتأهيل للعمال من خلال مصلحة الكفاءة الإنتاجية.
كمان، الاهتمام بتطوير الصناعة هيتم بمواكبة التكنولوجيا والتحول نحو الاقتصاد الأخضر، عشان نوصل لأوبشن إن المنتج المصري المصنع داخل مصانعنا ينافس المنتجات المحلية في الأسواق العالمية، وكل ده هيدر دخل قومي بالعملات الأجنبية للخزينة المصرية، ومش بس هينعش الصناعة المحلية لأ ده كمان هيعمل نقلة كبيرة جدا ضخمة للاقتصاد المصري عشان يبقي من أكبر وأضخم الاقتصادات العالمية.
يهتم موقع بنوك واعمال بتقديم أحدث أخبار مصر والعالم بموضوعية ودقة. نتابع تطورات بنوك من أسعار الفائدة والخدمات المصرفية، وأخبار شركات من أداء واستثمارات. كما نوفر تحليلات دقيقة في بورصة لمؤشرات الأسهم والأسواق المالية.
في عالم تكنولوجيا واتصالات، نسلط الضوء على الابتكارات وأحدث التقنيات، ونتابع مستجدات وزارات وخطط التنمية الحكومية. نهتم أيضًا بقطاع عقارات، حيث نقدم متابعة دقيقة لأسعار السوق والمشروعات الجديدة.
لعشاق رياضة، نغطي البطولات والأحداث الرياضية، بينما يأخذك قسم سياحة إلى أجمل الوجهات والمعالم. ونواكب جديد السينما والفنون عبر قسم فن، ونقدم تغطية موثوقة لأبرز حوادث اليومية بشكل شفاف ومسؤول.
